Қазақстандық велошабандоз Әлішер Жұмақан Минскіде өтіп жатқан велотректен Әлем кубогының V кезеңінде қола медаль жеңіп алды, деп хабарлайды ҚР Ұлттық Олимпиадалық комитеттің баспасөз қызметі.

Әлішер Жұмақан жекелей сайыстың (4 шақырым) қорытындысы бойынша үздік үшінші орынды қанжығасына байлады.

Айта кетейік, Беларусь елінде өтіп жатқан жарысқа 37 елден 300-ге жуық спортшы қатысуда.