Бокстан Еуропа чемпионы, 1980 жылғы Олимпиаданың күміс жүлдегері, 1979 жылғы әлем Кубогының иегері Виктор Демьяненко жастар арасында өткен әлем біріншілігіндегі өрендеріміздің жетістігіне өз бағасын берді.

«Мұндай болады деп ойламаған едім. Украиндықтар «ойына келгенін» істеп, бізден озу үшін небір амалды қолданады деп есептегем. Ұлттық құрамасы өте күшті екенін білеміз, алайда жастары намысты қолдан беріп алды. Ал біздің жігіттер керісінше жақсы өнер көрсетіп дәстүрді сақтап қалды. Осы жігіттер кейін Ұлт намысын абыроймен қорғай алады дегенге кәміл сенемін», - деді Демьяненко.

Естеріңізге сала кетсек, жалпы командалық есепте Ресей бірінші орын алды (3 алтын, 5 күміс, 2 қола медаль). Екінші сатыда Куба жайғасса (3, 0, 0) үшінші орыннан Қазақстан құрамасы көрінді (2, 1, 5).