Қарағаңдылық «Шахтердың» бас бакпері Виктор Кумыков алдағы Еуропа Лигасы аясындағы ПАОК-қа қарсы өтетін кездесу алдында сұхбат берді.
- ПАОК командасын құрметтейміз. Мұнда мықты ойыншылар жиналған. Клубтың бастығы менің ескі танысым. Жақсы бапкер. ПАОК тәжиребелі команда, техникалық тұрғыдан да мықтырақ. Алайда физикалық дайындық пен ерік-жігердің арқасында жеңіске жетуіміз мүмкін.
- Виктор Балютович, Василевич ойынға қатыспайтын болды. Осы жағдайды ескеріп ойын өрнегін өзгертесіз бе?
- Ойыншыны алмастырамыз, әрине. ПАОК-қа қарсы үш тактикалық нұсқамыз бар, қайсысын таңдайтынымыз ойын барысында белгілі болады.
- Еуропа лигасы мен ел біріншілігіндегі ойындарды қатар алып келесіз, қиын емес пе?
- Еуропада ойнағымыз келсе мұндай қиыншылықтармызға үйренуіміз керек. Арасында қалыпқа келу жатығулары көмектеседі.
- Сырт алаңда өткізген ойындармен салыстырғанда үйдегі матчтар нәтижелі аяқталатынын байқадық...
- Сырт алаңда ойнау әрқашанда қиын. Оның үстіне тәжиребеміз де аздау.
- ПАОК сапындаға қай ойыншыдан көп қауіп төнеді деп ойласыз, және қандай шара қолдануға болады?
- ПАОК-пен жақсылап таныстық, барлық ойыншыларын білеміз. Айып алаңымызға жақындатпауға тырысамыз, дегенмен қалай болатынын ойын көрсетеді.
- Грекияға қонған күні сіз ПАОК сапындағы Салпингидис пен Стохтан қауіптенетініңізді айттыңыз. Себебі неде?
- Мысал ретінде айтқан болатынмын. ПАОК-та аталған футболшылардан өзге де жақсы ойыншылар толып жүр.
- Еуропа Лигасына жан-тәнмен беріліп ел біріншілігін ұмытып кеткен жоқсыздар ма? Көшбасшылардан біраз артта қалып келесіз.
- Оныңыз рас, бізден ұзап кеткен командалар бар. Соңғы жеті кездесудің алтауында қосалқы құрамның ойыншыларын шығардық. Ештеңе етпес, бар күшімізді Еуропа лигасы мен Қазақстан Кубогына саламыз.
- Сізді қандай нәтиже қанағаттандырар еді?
- Жеңілістен басқа кез-келген нәтижеге риза боламын.
Тілшілердің сұрақтарына «Шахтер» шабуылшысы Сергей Хижниченко да жауап берді.
- Сергей алдағы кездесу жанкүйерсіз өтеді, бұл жағдай көңіл-күйіңізге әсер етеді ме?
- Бұндай жағдай менің өмірімде ешқашанда болған емес, бәлкім көмегі де тиіп кетер.
- Биылғы маусымда «Шахтер» мен Ұлттық құрама сапындағы барлық ойындарға қатыстыңыз. Ойын стилі жағынан ПАОК қай командаға ұқсас деп ойлайсыз?
- Бұл сұраққа жауап беру қиын, ПАОК-тың ойынын тек бейнетаспа арқылы көрдік.
Комментарии