Денис Тен Алматыда шеберлік сабағын өткізеді
Қазақстандық танымал мәнерлеп сырғанаушы Денис Тен жас спортшыларға шеберлік сабағын өткізеді.
Бұл туралы Ақпараттық және спорттық ХАБ хабарлады.
Өзінің тәжірибесімен алматылық спортшы қазанның 28-і күні сағат 12:00-ден 13:00-ге дейін Розыбакиев көшесінде орналасқан Орталық Мегада бөлісетін болады.
Спорттық шара Алматы қаласының мәнерлеп сырғанау федерациясымен «Жас Отан» және Алматы әкімдігінің қолдауымен өткізіледі.
Айта кетер жайт, Бүкіләлемдік қысқы Универсиада ойындарының жеңімпазы, сонымен қатар көптеген халықаралық жарыстардың жүлдегері Денис Тен туған қаласына жиі келіп, жас спортшыларға арналған шеберлік сабақтарын өткізіп тұрады.
Комментарии