Қарағандылық «Тұлпар» футзал клубы халықаралық LVIV OPEN CUP-2013 турнирінің финалында «Газпром-Югра» командасын жеңді.

Ойын өте тартысты өтті. Қарағандылықтар кездесу барысында ұтылып тұрып матчтың аяқталуына 40 секунд қалғанда есепті теңестірді. Таразы басын тең қылған - Александр Гребонос. Аталған ойыншы қосымша уақытта да көзге түсіп командасына жеңіс сыйлады. Қорытынды есеп – 5:4.