Футзалдан УЕФА Кубогы Элиталық кезеңінің жеребесі тартылды.

Алматылық «Қайрат» жеребе қорытындысы бойынша D тобына түсті. Какау шәкірттері УЕФА Кубогының қазіргі жеңімпазы испаниялық «Интер», португалиялық «Брага» және румыниялық «Дева» клубымен бақ сынасады. Бұл квартеттің матчтары 21-26 қараша арасында Испанияда өтеді.

Айта кетейік, Элиталық кезеңде әр топтың жеңімпазы Төрттік финалына жолдама алады.

Естеріңізде болса, УЕФА Кубогының былтырғы маусымында «Қайрат» жартылай финалда осы «Интерден» ұтылған болатын.