Қазақстандық ауыр атлет Альберт Линдер Тайбэйде өтіп жатқан жазғы Универсиада ойындарында чемпион атанып, ел қоржынына алғашқы алтын медальды салды, деп хабарлайды Baq.kz ақпарат агенттігі.
Басқа
21.08.2017 17:58
Альберт Линдер - Универсиада чемпионы
Жарыстың үшінші күні ауыр атлетикадан 69 келіге дейін салмақта сынға түскен Линдер серпе көтеруде 148 келі, ал жұлқа көтеруде 185 келіні еңсеріп, жарыс қорытындысы бойынша 333 келілік зілтемірді көтерді.
Осы салмақта солтүстіккореялық зілтемірші Ким Мен Хек 331 келіні (153+178) еңсеріп, универсиаданың күміс жүлдегері атанды.
Қола медальды 325 келіні (145+179) басынан асырған жапон зілтеміршісі Мямото Масонори еншіледі.
Еске сала кетейік, жазғы Универсиада ойындары 19-30 тамыз аралығында Қытай Республикасының астанасы Тайбэйде өтуде. Қазақстан қоржынында әзірге бір алтын, бір қола медаль бар. Жарыстың алғашқы күні ауыр атлет Арли Чонтей қола жүлдеге ие болған еді.
Комментарии