«Астана» командасының қорғаушысы Юрий Логвиненко еурододалардағы 42-ші кездесуін өткізіп, Рохер Каньястың рекордын қайталады.

Латвиялық «Спартакқа» қарсы кездесу Юрий Логвиненко үшін қазақстандық командалар сапындағы еурододалардағы 42-ші кездесуі ретінде тіркелді. Қазақстан Ұлттық құрамасының негізгі орталық қорғаушысы осы нәтижесі арқылы Рохер Каньястың рекордын қайталады.

Қазақстандық командалар сапындағы еурододаларда ең көп ойын өткізген ойыншылар төмендегідей:

1-2. Рохер Каньяс («Шахтёр», «Астана») – 42; 1-2. Юрий Логвиненко («Ақтөбе», «Астана») – 42; 3. Марат Хайруллин («Ақтөбе») – 41; 4-6. Андрей Сидельников («Актобе», «Ордабасы») – 36; 4-6. Самат Смаков («Ақтөбе», «Қайрат», «Ордабасы») – 36; 4-6. Дмитрий Шомко («Ертіс», «Астана») – 36; 7. Петр Бадло («Тобыл», «Ақтөбе») – 35.