Велокөпкүндіктің 11-кезеңінде лидерлер өздерінің нағыз мықтылықтарын дәлелдеп берді. Олар мәре сызығын да алғашқы болып кесіп, өзара секундтардың да аражіктерін айқындатып алды. Астурия паркінен басталған жарыс 168 шақырымға жалғасып Пенья Каберга деген елді мекенде аяқталды. Басты фаворит Крис Фрум мәре сызығын бірінші кесіп қарсыластарын, шаң қаптырды. Алайда, оның қасынан бір елі де ажырамаған Наиро Кинтана 54 секундтың басымдылығын сол күйі сақтап қалды. Ал "Астана" командасының капитаны Микеле Скарпони кезеңді алғашқы ондықта аяқтады. Ол лидерден 14 секунд кеш жетті.
Астурия мұражайы - Пенья Кабарга, 168.6 ш | ||||||
1 | Chris Froome (Gbr) Team Sky | 03:44:47 | ||||
2 | Nairo Quintana (Col) Movistar | 00:00 | ||||
3 | Alejandro Valverde (Esp) Movistar | 00:06 | ||||
4 | Leopold Konig (Cze) Team Sky | |||||
5 | Alberto Contador (Esp) Tinkoff | 00:08 | ||||
6 | Simon Yates (Gbr) Orica-BikeExchange | 00:13 | ||||
7 | Michele Scarponi (Ita) Astana | 00:14 | ||||
8 | Esteban Chavez (Col) Orica-BikeExchange | 00:19 | ||||
9 | Pierre-Roger Latour (Fra) AG2R | 00:22 | ||||
10 | Samuel Sanchez (Esp) BMC | 00:30 |
Бүгін кешке жарыстың 12-кезеңі жоспарланып тұр. Лос-Корралес-де-Буэльна деген елді мекеннен басталатын жол 193 шақырымға созылып Бильбао қаласында аяқталады. Таулы кезеңге жататын жарыс жолында біз тағы да елордалық шабандоздарға сеніммен қараймыз. "Астана" жігіттері жұмыла жұмыс істеп Скарпониді алға сүйресе, италиялық капитанымыз таулы аймақтарда өз-өзін көрсетуі тиіс. Егер де Контадор, Кениг, Иейтс секілді үш шабандоздардан 1 минут уақыт озатын болса Скарпони алғашқы бестіктің қатарына енуі әбден ықтимал. Сондықтан да біз Скарпониге сенім артып, бүгінгі жарыс жолына үмітпен қарайлайтын боламыз.
11 кезеңнен кейінгі басты классификация: | ||||||
1 | Nairo Quintana (Col) Movistar | 42:21:48 | ||||
2 | Chris Froome (Gbr) Team Sky | 00:54 | ||||
3 | Alejandro Valverde (Esp) Movistar | 01:05 | ||||
4 | Esteban Chavez (Col) Orica-BikeExchange | 02:34 | ||||
5 | Alberto Contador (Esp) Tinkoff | 03:08 | ||||
6 | Leopold Konig (Cze) Team Sky | 03:09 | ||||
7 | Simon Yates (Gbr) Orica-BikeExchange | 03:25 | ||||
8 | Michele Scarponi (Ita) Astana | 03:34 | ||||
9 | David De La Cruz (Esp) Etixx - Quick Step | 03:45 | ||||
10 | Samuel Sanchez (Esp) BMC | 03:56 |
Ермұхамед МӘУЛЕН
Комментарии