Қазақстандық футболшы «Динамо» Минск клубынан кетеді

Қазақстандық жартылай қорғаушы Владислав Васильев «Динамо» Минск клубынан кетеді, деп хабарлайды Sport Plus Qazaqstan.

Еске салайық, футболшы наурыздың соңында беларусиялық клубқа ауысып, ұжым үшін екі матч өткізген.

Бұған дейін ол «Ордабасы» сапында ойнаған. Өткен маусымда ойыншы 14 кездесу өткізіп, бір гол және бір паспен көзге түскен.

Беларусьте Васильев «Энергетик-БГУ», «Рух» және «Динамо» Брест клубтарында ойнаған. Беларусь чемпионатында жартылай қорғаушының еншісінде 67 матч, 15 гол және 20 нәтижелі пас.