Лионель Месси MLS турнирінде екі жаңа рекорд орнатты

Аргентиналық шабуылшы «Интер Майами» Лионель Месси «Нью-Йорк Ред Буллзмен» өткен ойыннан (6:2) кейін MLS-те екі рекорд орнатты, деп хабарлайды Prosports.kz.

Бұл кездесуде аргентиналық шабуылшы бір гол соғып, бес нәтижелі пас берді.

Осылайша Месси MLS тарихындағы бір матчта бес нәтижелі пас берген алғашқы ойыншы болды. Ол сонымен қатар бір ойында алты ұпай жинаған алғашқы MLS футболшысы атанды.

Естеріңізге сала кетейік, бұл кездесуде уругвайлық шабуылшы Луис Суарес хет-трик жасаған болатын. Суарес те нәтижелі пас берді.