Эльжана Таниева Азия чемпионатында екінші алтын медаль жеңіп алды

Қазақстандық Елжана Тәниева Ташкентте (Өзбекстан) көркем гимнастикадан өтіп жатқан Азия чемпионатында құрсаумен жаттығулардың финалында сәтті өнер көрсетті, деп хабарлайды Prosports.kz.

Финалда 33,90 ұпай жинап, алтын медаль жеңіп алды. Екінші орын жапониялық Рейна Мацусакаға бұйырды – 33,30. Айбота Ертайқызы 33,25 ұпаймен үшінші болды.

Айта кетейік, бір күн бұрын Тәниева жекелей көпсайыста жеңіске жеткен болатын. Ол Олимпиада ойындарына да жолдама алды.