Артем Резниковтің келесі жекпе-жегі ресми жарияланды
Ресейлік АСА промоушенінің баспасөз қызметі қазақстандық Артем Резниковтің (24-8) келесі жекпе-жегін ресми жариялады, деп хабарлайды Prosports.kz.
Отандасымыз ресейлік спортшы Мухамед Коковпен (19-12) кездеседі. Жеңіл салмақтағы жекпе-жек 28 маусымда Сочиде өтеді.
«Дивизиондағы ең үздік файтерлер кездесуі ACA 177 турнирінде өтеді! Лига рухында стилистикалық тұрғыда ұқсас әрі тең деңгейлі қарсыластар арасындағы жекпе-жекті көреміз. 28 маусымда Сочиде өтетін бұл текетіресті тікелей эфирде тамашалауға болады», - делінген хабарламада.
