Елена Рыбакина Мадрид турнирінің финалынан тыс қалды
Қазақстанның және әлемнің спорт жаңалықтарына жазылыңызҚазақстанның бірінші, әлемнің 4-ракеткасы Елена Рыбакина Мадрид WTA 1000 турнирінің финалына шыға алмады.
Қазақстандық теннисші жартылай финалда әлемнің 2-ракеткасы, осы доданың өткен жылғы чемпионы, Беларусь өкілі Арина Соболенкомен сынға түсті.
Осыған дейін қарсыластар өзара сегіз рет кездессе, соның бесеуінде белоруссиялық спортшы жеңіске жеткен еді. Дегенмен соңғы төрт бәсекенің үшеуінде Рыбакина ұтқан.
Бұл жолы бірінші сетті Елена 24 минутта бітірді – 6:1.
Екінші партияда тағы бір брейк жасаған Рыбакина 3:1 есебімен алға шықты. Дегенмен Соболенко қарап қалмады – 4:4. Елена қайыра брейк жасап, матчқа доп бергенде, мүлт кетті – 5:5. Бұдан кейін белоруссиялық теннисші жеңістік бермеді – 7:5.
Үшінші, шешуші сетте Соболенко тай-брейкте жеңісті жұлып алды – 7:6 (7:5).