Жібек Құламбаева Тунистегі турнирдің жекелей сынында франциялық теннисшіні жеңді

Әлемнің 492-ракеткасы, қазақстандық теннисші Жібек Құламбаева Хаммаметтегі (Тунис) ITF турнирінің жекелей сынында алғашқы кездесуін өткізді, деп хабарлайды Prosports.kz.

Қазақстандық теннисші турнирдің 1/16 финалы аясында франциялық Эмма Маззонимен кездесіп, 6:0, 6:2 есебімен жеңіске жетті.

Еске салайық, қазақстандық теннисші жақында Хамаметтегі турнирдің жұптық сынында голландиялық теннисші Жасмин Гимберемен бірге жарыс чемпионы атанған болатын.