Мағжан Шамшадин Grand Slam финалда күреседі

Мағжан Шамшадин Душанбеде басталған Үлкен дулыға (Grand Slam) санатындағы турнирдің финалына шықты, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.

Ұлттың құрама дзюдошысы (-60 кг) алтын медаль үшін Түркменстан спортшысы Мұхаммедсолех Кубатовпен күреседі. Мағжан жартылай финалда Изнаур Сааевты (Ресей) ұтты.