Велоспорт

Фабио Ару: «Таулы кезеңдердегі мүмкіндігімді жоғары бағалаймын»

Фабио Ару: «Таулы кезеңдердегі мүмкіндігімді жоғары бағалаймын»
news-banner7
mobile-news-top

Таулы жеке есеп кезеңінде көрсеткен нәтижесіне бағасын берген "Астана" капитаны Фабио Ару Парижге дейінгі екі таулы кезеңде жалпы есепте үздік үштүкке ену мүмкіндігін жоққа шығармады

Соңғы екі кезеңде көрсеткен нәтижеме көңілім толады. Алдымен екі саты жоғарылып сегізінші орынға көтерілсем, бүгін жетінші орындамын. Команда менің жалпы есепте мүмкіндігінше жоғары орындарға шығуыма барын салып жатыр. Жеке есеп сынын жоғары деңгейде жүріп өткендіктен соңғы таулы кезеңдердегі мүмкіндігімді жоғары бағалаймын. Барлығын тауда шешеміз, - деді ол Тур де Франсқа келген қазақстандық ақпарат құралдарына берген сұхбатында. 

- Сенің жалпы есептегі көрсеткішің жоғарылады. Өзің айтқан соңғы екі таулы кезеңге дайынсың ба? 

- Өте ауыр кезеңдер. Бірақ шақырым жағынан көп емес. Сондықтан қандай нәтиже көрсететінімізді жол көрсетеді. Жарыс барысына қарай қандай тактиканы қолданатынымыз шешіледі. Алға ұзаған топтың іс-қимылдарын да ескеруіміз қажет. Өзімнің ойым бәрі дұрыс жағына шешілуі керек.  

- Бұл сенің алғашқы “Тур де Франсың”, басқа шабандоздар бұл көпкүндікте жүріп өтудің өзін жоғары мәртебе санайды. Сенің ойың қандай?

- "Джиро", "Тур" мен "Вуэльта" велоспортты серік еткен спортшылар үшін өте маңызды бәйгелер. Олар бір біріне ұқсамайды. Франция жолдарымен өтетін сын екеуіне қарағанда өте күрделі және тартыс пен бәсекелестік жоғары болады. Менің қоржынымда қазір барлық үш тур бар. Мәртебелі көпкүндікте тәжірибе жинақтап жатқаныма өте қуаныштымын. Кәсіби велоспортшы ретінде алға жылжып келемін. 

-Бүгін сөреде саған қолдау көрсетуге келген отбасыңды көрдік. Олардың сен қатысқан жарыстарға келіп, дем беруі саған қаншалықты маңызды?

- Менің отбасым, жанкүйерлерімнің Тур де Франсқа арнайы келіп, маған қолдау көрсеткені мені қанат бітіреді. Өте қуаныштымын. Әрине олардың қолдауынан алатын күш қуатың көлемі мен үшін зор. Бүгінгі нәтижеме де жақындарымның жанымнан табылғаны да септігін тигізді. Келесі кезеңдерде де олар менің қасымда болады. 

- Крис Фрумға қарсылас атану қаншалықты қиын?
 
Көптеген шабандоздар мен мамандар оның мүмкіндіктерін жоғары бағалауда. Крис өте мықты тәжірибелі шабандоз. Онымен бір жарысқа қатысып, қарсылас атану мен үшін үлкен мектеп болары сөзсіз. Ол Тур де Франстың жеңімпаз жейдесін киген шабандоз. Бірақ “Астана” осалдар қатарынын емес. Командалық әріптестеріммен бірге уақыт айырмашылығын барынша қысқартуға барымызды саламыз.
Ошибка в тексте? Выделите и нажмите Ctrl+Enter
Пікірлер