Әмір Маймұратов спорттық құзға өрмелеуден Олимпиадаға іріктеу турнирінде финалға шықты
Спорттық құзға өрмелеуден Қазақстан командасының мүшесі Әмір Маймұратов Қытайдың Шанхай қаласында өтіп жатқан Олимпиадаға іріктеу турнирінде финалға шықты, деп хабарлайды Prosports.kz тілшісі Olympic.kz сайтына сілтеме жасап.
«Жылдамдық» бойынша сынға түскен Маймұратов іріктеуден сүрінбей өтті. Ол 5,09 секундты тіркеген.
Аралық нәтижеде ол жетінші орында тұр.
Айта кетейік, Шанхайдағы іріктеу турнирі биыл өтіп жатқан алғашқы сын. Екінші іріктеу жарысы 20-23 маусым күндері Венгрияның Будапешт қаласында өтеді.
