Путинцева Римдегі турнирде кіммен кездесетіні белгілі болды

Қазақстандық теннисші Юлия Путинцеваның (WTA рейтингінде 41-орын) Италияның Рим қаласында өтіп жатқан турнирдің бірінші айналымындағы қарсыласы белгілі болды, деп хабарлайды Prosports.kz.

1/64 финалдық кезеңде қазақстандық италиялық теннисші Мартина Тревизанмен (87) кездеседі.

Кездесу 7 мамыр күні Астана уақытымен сағат 17:00-де өтеді.

Бұған дейін Путинцева Испанияның Мадрид қаласында өткен турнирге қатысқан. Қазақстандық 1/4 финалға шығып, онда отандасы Елена Рыбакинадан (4) жеңіліп қалды.