Әлем чемпионаты: Қазақстан элиталы топта қалу үшін Норвегияға қарсы ойнайды

Финляндияда өтіп жатқан шайбалы хоккейден жасөспірімдер арасындағы әлем чемпионатында ширек финалға шыққан командалар анықталды, деп жазады Olympic.kz.

Ал Қазақстан құрамасы В тобында 3 ұпаймен соңғы орында қалды. Енді Георгий Верещагин шәкірттері элиталы дивизиондағы орнын сақтау үшін А тобында көш соңында қалған Норвегияға қарсы ойнайды. Кездесу 2 мамырға жоспарланған.

Айта кетелік, Қазақстан командасы топтағы соңғы ойында 3:11 есебімен Канада құрамасына жол берді.

Әлем чемпионатының ширек финалында төмендегі командалар өзара кездеседі:

АҚШ-Швейцария

Финляндия - Швеция

Канада - Латвия

Чехия - Словакия