Әйелдер күресінен соңғы іріктеу сынына қатысатын спортшылар қашан анықталады

Әйелдер күресінен Қазақстан құрамасында әзірге Париж Олимпиадасына іріктеуден өткен жоқ. Ал соңғы әлемдік іріктеу турниріне баратын команда әлі жарияланған жоқ, деп хабарлайды Prosports.kz тілшісі Olympic.kz сайтына сілтеме жасап.

Бас бапкер Қайрат Сағадиевтің айтуынша, Стамбулдағы турнирге қатысатын балуандардың есімі жақын арада белгілі болады.

«Түркияда өткен соңғы іріктеу турниріне қатысатын құрамды алдағы дүйсенбіде жариялаймыз», - деді Сағадиев.

Айта кетелік, Қырғызстан астанасы Бішкекте өткен Азия аймақтық лицензиялық турнирінде Қазақстан әйелдер командасы квотаға қол жеткізе алмады.

Әзірге, алты олимпиадалық салмақтың бірде-бірінде жолдама алынған жоқ.