Қазақстан хоккейінің аңызы мансабын «Барыста» жалғастырады
Қазақстанның және әлемнің спорт жаңалықтарына жазылыңыз«Барыс» хоккей клубы Роман Старченкомен келісімшартқа қол қойғанын ресми түрде мәлімдейді. Біржақты келісімшарт бір маусымға 2025 жылдың 30 сәуіріне дейін есептелген.
Бұл Қазақстан хоккейі аңызының «Барыс» құрамындағы 16-маусымы болмақ. Өткен маусымда Старченко бір команда сапында (астаналық клуб құрамында 783 кездесуге қатысқан) өткізген матчтар саны бойынша ҚХЛ рекордын жаңартты және Лигадағы 800-ойынын өткізген оныншы ойыншы атанды. Команда капитаны өткен тұрақты чемпионаттың 43 матчында 19 (4+15) ұпай олжалады. Қазіргі таңда Роман – клуб тарихындағы екінші снайпер (207 шайба).
Олег Болякин, «Барыс» бас менеджері
- Команда құрамында осындай шебер ойыншыны сақтап қалғанымыз үшін қуаныштымыз. Оған қоса, жаңа маусымға құрам жасақтауды капитаннан бастағанымыз да қуантады. Роман – сөзсіз көшбасшы және мұз айдында да, киім ауыстыратын бөлмеде де зор абыройға ие. Ойында атқаратын функцияларынан бөлек, лигаға енді қадам басқан жас ойыншылармен тәжірибесімен бөлісуді жалғастырады деп сенеміз.