Қазақстандық биатлоншы Әлем кубогы кезеңінде 60-орын алды

2023/2024 жылғы маусымдағы биатлоннан әлем кубогының сегізінші кезеңі аясында Уасатч қаласында (АҚШ) әйелдер арасындағы 7,5 шақырымдық спринт аяқталды, деп хабарлайды Prosports.kz.

Бұл жарыста франциялық биатлоншысы Жюстин Бреза-Буше жеңімпаз атанды. Спортшы бір қателік жіберіп, қашықтықты 20:42,7-де бағындырды.

Екінші орын бірде-бір қателеспеген норвегиялық Ингрид Лэндмарк Тандревольдқа бұйырды. Биатлоншы қашықтықты +13,4 секундтта бағындырды. Үздік үштікті тағы бір франциялық Лу Жанмонно аяқтады.

Айта кетейік, қазақстандық спортшылар арасында үздік нәтижені 60-орынға ие болған Арина Крюкова көрсетті.