Азия ойындары: Әйелдер күресінен қазақстандық екі балуан қола жүлдеге таласады

Қытайдың Ханчжоу қаласында өтіп жатқан Азия ойындарында әйелдер күресінен қазақстандық екі балуан қола жүлдеге таласады, деп хабарлайды ҚазАқпарат тілшісі.

Дүбірлі додада 62 келі салмақта бақ сынаған Ирина Кузнецова Азия ойындарында қола жүлдеге таласады.

Биыл 22 жасқа толған ол 1/8 финалда Церенчимед Сухиді 6:4, 1/4 финалда Хсин Пинг Пайды (Тайпей) 12:0 есебімен ұтып кетті.

Ал жартылай финалда екі дүркін әлем чемпионы Нонока Одзакиге (Жапония) 0:8 есебімен есе жіберіп, қола жүлдеге таласатын болды.

Сондай-ақ, ұзақ жылдан кейін үлкен спортқа қайта оралған 36 жастағы Елена Шалыгина да 3-орын үшін белдеседі. Қарсыласы - Азия чемпионатының 3 мәрте жүлдегері Делгермаа Енхсайхан (Моңғолия).