Михаил Гурман – «Астана» ФК Бас директоры

«Астана» футбол клубының негізгі құрам ойыншылары мен бапкерлер құрамына клубтың жаңа бас директоры таныстырылды, деп хабарлайды Prosports.kz, елорадық клубтың ресми сайтына сілтеме жасап.

Бұл лауазымға «Астана» Президенттік кәсіби спорт клубының шешімімен белгілі қазақстандық маман Михаил Ильич Гурман тағайындалды.

Михаил Ильич футболшы ретіндегі мансабында қызылордалық «Орбита», алматылық «Қайрат», павлодарлық «Ертіс», қарағандылық «Шахтер» және талдықорғандық «Жетісу» командаларында ойнаған, әрі қазақстандық сұрмергендердің G100 клубы құрамына енген.

Функционер ретінде Қазақстан кәсіби футбол лигасының директоры, Қазақстан футбол Федерациясының вице-президенті қызметтерін атқарған.