«Спортинг» - Алматыда

Португалия чемпионы «Спортинг» футзал клубы УЕФА кубогының Төрттік финалына қатысу үшін Алматыға ұшып келді.

Бұл туралы «жасылдардың» инстаграмдағы ресми парақшасынан белгілі болды.

Айта кетер жайт, «Спортинг» сапында Қазақстан құрамасының ойыншысы Лео өнер көрсетеді.

Португалиялық ұжым тіпті «Қайраттың» базасында жаттығу өткізіп үлгерді.

Естеріңізге сала кетсек, футзалдан УЕФА кубогының Төрттік финалы сәуірдің 28-і мен 30-ы, «Алматы Арена» спорт кешенінде өтеді.