Қазақстандық теннисші допинг қолданғаны үшін екі жылға шеттетілді

Қазақстандық теннисші Арсан Арашовтың қанынан допинг табылған. Спортшы мельдоний пайдаланғаны үшін екі жылға жарыстардан шеттетілді, деп хабарлайды Халықаралық теннис федерациясының (ITF) баспасөз қызметі.

2016 жылдың 9-ші шілдесінде Гандияда өткен жарыста алынған допинг-сынама оң нәтиже көрсеткен. 17 жастағы спортшы 2016 жылдың 30-шы қыркүйегіне дейін уақытша жарыстарлан шеттетілген болатын. Дисквалификация мерзімі 2018 жылдың 29-шы қыркүйек күні аяқталады. Арашовтың өтініші бойынша тәуелсіз сот анти-допингтік бұзу бағдарламасына сәйкес, тараптардың (Арашов пен ITF) дәлелдерін қарап, 10 сәуір күні спортшыны дисквалификациялау туралы шешім шығарды.

Теннисші рейтингіде 1729-орында тұр. Естеріңізге сала кетейін, мельдоний 2016 жылдың 1 қаңтарынан бастап Бүкіләлемдік допингке қарсы агенттіктің (ВАДА) тыйым салынған дәрі-дәрмектер тізіміне енгізілген болатын.