Мхитарян Қазақстан ойыншыларының жалпы құнынан екі есе қымбат
Қазақстанның және әлемнің спорт жаңалықтарына жазылыңызАрмения құрамасының көшбасшысы Генрих Мхитарян Қазақстанның бүкіл ойыншысын қосқанда да қымбат саналады.
Transfermarkt.de порталының мәліметтеріне сүйенсек, Армения құрамасы ойыншыларының трансферлік бағасын қосқанда 46,8 миллион еуроны құрайды. Бұл бағаның 79%-ын «Манчестер Юнайтед» жартылай қорғаушысы Генрих Мхитарян алып тұр. Ол 37 миллионға бағаланған. «Бешікташтың» хавбегі Араз Озбилиз 1,2 миллионмен екінші орында тұр. 1 миллионға бағаланған Геворк Казарян («Маритиму») үшінші орында.
Ал Қазақстан құрамасы футболшыларының жалпы құны – 16,85 миллион еуро. Командадағы ең қымбат ойыншы – жартылай қорғаушы Бауыржан Исламхан (1,8 миллион). Қорғаушылар Юрий Логвиненко мен Дмитрий Шомко 1,2 миллионға бағаланады. Қақпашы Стас Покатилов пен шабуылшы Роман Мұртазаевтың трансферлік құндары – 1 миллион еуро.
Айта кетейік, бүгін Астана уақытымен 22:00-де Армения мен Қазақстан 2018 жылғы әлем чемпионатының іріктеу кезеңі аясында Ереванда кездеседі.