Сондерс: Қазақстанда Головкиннің қорқынышты түсі боламын
Қазақстанның және әлемнің спорт жаңалықтарына жазылыңызОрта салмақта WBO тұжырымы бойынша әлем чемпионы Билли Джо Сондерс Геннадий Головкинмен жұдырықтасу үшін Қазақстанға баруға дайын.
«Головкин қартайып келеді. Жасы 35-ке жақындады. Ол қарапайым адам екенін көрсетті. Оның арманындағы кездесу – ол мен. Бірақ мен оған жылы арман болмақ емеспін. Мен оның елінде қорқынышты түсі боламын. Қазақстанға барамын. Егер, расымен де, жұдырықтасқысы келсе, келісім-шарт жіберсін. Твиттерде Том Леффлермен сөйлестім, ол келісім-шарттың өткен аптада дайын болғанын айтады. Онымен 11 аптадан соң кездесуге дайын боламын деп уәде беремін. Бұл кездесуді Қазақстанда өткізуге келісемін», - деді Билли.
Бұған дейін Головкин – Сондерс кездесуі маусымда Астанада өтуі мүмкін екені хабарланған болатын.