«Астана» кубокты жеңіп алды
Қазақстанның және әлемнің спорт жаңалықтарына жазылыңызАлматыда баскетболдан өткен Қазақстан кубогы жолындағы додаға еліміздің таңдаулы деген алты командасы қатысты.
Егемен Қазақстанның хабарлауынша, жеңімпазды анықтаған шешеуші сында «Астана» мен «Атырау барыстары» командалары кездесті. Финалда өрнекті де өте қызықты ойын үлгісін көрсеткен «Астана» командасы 66:46 есебімен жеңіске жетіп, Қазақстан кубогының иегері атанды.
Бұдан бөлек, кубок сынының қола жүлдесін қостанайлық «Тобыл» мен ақтаулық «Каспий» командалары өзара сарапқа салды. Бұл матч та аса тартысты өтті. Кездесу барысында жинақы ойнап, жеңіске деген жігерлілік танытқан «Каспий» клубы қарсыласын 99:86 есебімен ұтып, турнирдің жүлдегері атанды.
Жарыс қорытындысында арнайы аталымдар бойынша үздік ойыншылар анықталды. Олардың қатарында Рүстем Мұрзағалиев («Астана»), Рустам Ерғали («Астана»), Павел Ильин («Атырау барыстары»), Антон Пономарев («Астана») және Всеволод Фадейкиннің («Алматылық Легион») есімдері аталды.