Қуат Хамитов: Пайдасыз депутаттар не керек?
Қазақстанның және әлемнің спорт жаңалықтарына жазылыңызҚазақстандық ММА шебері Қуат «Найман» Хамитов Instagram желісіндегі парақшасында Альберт Раудың ҚР Парламентінің Мәжіліс депутаты болып тағайындалғаны жайлы пікір білдірді.
«Тағы бір депутат! Маған біреу депутат болу үшін не істеу керек екенін түсіндіріп бере ала ма? Бір күнде депутат болатындай олар не істеді? Біз бұл депутаттардың халық үшін ештеңе істемейтінін жақсы білеміз ғой. Бұл дегеніңіз залда бір рет те болмай чемпион атанумен бірдей. Біздің елде бар-жоғы 16 млн адам бар. 16 млн - Мәскеу мен Шанхайдың халық санының жартысы ғана. Олардың бітпейтін мәселелерін топ болып шеше алмай жатыр. Яғни, бұл қалалардың мэрлері жұмысын біздің шенеуніктерден көрі жақсы атқарады деген сөз емес пе? Себебі, мен әлі күнге дейін өз бағдарламасымен келіп, халық үшін игі жұмыс істеген бір адамды көрмедім. Оларға Астананың атын ауыстыру немесе пайдасыз зәулім құрылыстарға біреудің атын беру сияқты жұмыстармен айналысқанша, халықты ойлау керек. Мен Таиландта бесінші жыл қатарынан жиынға бардым. Бұл жылдары нан, азық-түлік, бензиннің бағасы бір теңгеге де өзгерген жоқ. Бірақ сол елден мұнай да, алтын да таба алмайсыз. Біздің елде сағат сайын бәрі қымбаттап, туған-туыстарымыз жыл сайын біздің елден кетіп жатса, галстук таққан біреу миллиондап ұрлап, қашып кететін болса, бұл өзгерістердің не қажеті бар? Пайдасыз депуттар бізге не керек? Мен қарапайым спортшымын және бұл қиындықтарды көремін. Мен сағаттап айта аламын. Неге біздің шенеуніктер бұны көрмейді? Аз ғана халықтың жағдайын жақсарту тіпті де мүмкін емес пе? Мен бала күнімнен бір адамның көп нәрсені өзгерте алатынына сенгенмін. Әзірге мен ол адамды көріп тұрған жоқпын. Маған біреу келіп, сөздерімнің дұрыс емес екенін айтса, ертең-ақ өзімді өлтіремін!»— деп жазды Хамитов, Раудың жұмысқа тағайындалғаны жайлы суретті қойып.