Парақор спорт басқармасының ісі сотқа берілді
БҚО-да спорт басқармасының бұрынғы басшысы Тимур Шаяхметовтің ісі сотқа берілді, деп хабарлады «Мой ГОРОД».
Шаяхметов 2016 жылы 14 желтоқсанда пара алғаны үшін ұсталды. Сыбайлас жемқорлыққа қарсы күрес агенттігінің хабарлауынша, тағы бір фигурант Ишанов өз ісіне өкініп, оған қатысты іс тоқтатылды. Ал Шаяхметов ҚК 366-бабына сәйкес айыпталды. Еске салайын, Тимур Шаяхметов қол астындағы қызметкері Ишановпен сөз байласып, жүйелі түрде 10-нан астам спорт мектебінен пара алып отырған.
