Қазақстандық балуандар Ираннан жүлделі оралды
Иранның Мешхед қаласында 18 қаңтар күні бастауын алған еркін күрестен «Тахти» кубогы өз мәресіне жетті.
Аталмыш жарыс командалық түрде өтті. Халықаралық сайысқа 18 құрама қатысты. Қазақстан балуандары бұл сайыста қола жүлдегені иеленіп, сәтті өнер көрсетті.
Айта кетейік, біздің топта Украина, Қырғызстан және Ирак командалары болды. Финалдық жолдама сарапқа салынған сында балуандарымыз Арменияға 4:4 есебімен қосымша көрсеткіштер бойынша жеңіліп қалды. Үшінші орын үшін болған таласта Иранның екінші құрамасын 5:3 есебімен ұттық.
