Какау «Жыл бапкері» жүлдесіне үміткер

«Қайрат» футзал клубының бас бапкері Какау 2016-шы жылдың үздік бас бапкері жүлдесіне үміткерлер тізіміне енді.

Бразилиялық маманнан өзге үздік бас бапкер жүлдесіне мына бапкерлер тартысады: Андре дос Сантос («Коринтианс»), Андерсон Менезес («Баратейро»), Фульвио Колини («Пескара»), Фернандо Ферретти («Магнус»), Пауло Рикардо Фигероа Кака («Газпром-Югра»), Нуно Диаш («Спортинг»), Педро Коста («Нагойя») және Хосе Санчез («Серро Портеньо»).

Естеріңізге сала кетсек, бұған дейін «Қайраттың» голкипері Игита «Үздік қақпашы», ал Қазақстан құрамасы «Жыл командасы» номинацияларына ілінді.