Букмекерлер Жақияновтың жеңісіне сенбейді

Қазақстандық кәсіпқой боксшы Жанат Жақиянов WBA чемпиондық титулы үшін тартысады.

Жерлесеміз ақпанның 10-ы, аса жеңіл салмақ дәрежесінде WBA Super белбеуінің иегері америкалық былғары қолғап шебері Роши Уорренмен жұдырықтасады. Аталмыш жекпе-жек АҚШ-тың Толедо қаласындағы «Huntington Center» спорт кешенінде өтеді.

Шетелдік букмекерлердің пікірі бойынша, 29 жастағы америкалық боксшы чемпиондық атағын сәтті қорғайды. Уорреннің жеңісіне 1.2, ал Жанаттың жеңісіне 4.35 коэффициент беріліп тұр.

Яғни, Жақиянов Уорренмен кездесудің «аутсайдері» болып саналады.