Қазақстан құрамасы Гранаткин Мемориалының финалына шықты
Қазақстанның және әлемнің спорт жаңалықтарына жазылыңызҚазақстан жасөспірімдер құрамасы өз тарихында тұңғыш рет Гранаткин Мемориалының финалына жолдама алды.
Жарыстың жартылай финалында Александр Кузнецовтың командасы Грекия құрамасымен күш сынасты. Тартысты өрбіген ойында жерлестеріміз 2:1 есебімен жеңіске жетті. Қазақстан сапында Айдос Орал дубль жасаса, гректерде Цоварас көзге түсті. Айта кетер жайт, бір тайм бойы отандастарымыз бір ойыншыға кем ойнады. Матчтың 42-ші минутында Пайруз алаңнан қуылған болатын.
Енді финалда Қазақстан құрамасы Ресей - «Зенит» жұбының жеңімпазымен кездеседі.
Гранаткин мемориалы - 2017. 1/2 финал
Қазақстан U-18 - Грекия U-18 - 2:1
Голдар: Орал 18, 49 - Цоварас 57
Алаңнан қуылды: Пайруз 42