Рейхерд әлем кубогында алтын медаль алды

Қазақстандық Дмитрий Рейхерд Лэйк-Плэсидте (АҚШ) өткен фристайлдан әлем кубогында алтын медаль алды. Ол бұл жарысқа могул жаттығуы бойынша қатысып, 82,20 ұпай жинады, деп жазады «Азаттық».

Күмісті франциялық Бенджамин Кавэ (80,73), қоланы америкалық Брэдли Уилсон (78,08) иеленді. Бұл оның әлем кубогындағы екінші алтыны. Азия ойындарының чемпионы 2008 жылы Аре қаласында (Швеция) алтын медаль алған болатын. 2012 жылы Қытайда өткен кезеңде күміс медальды мойнына тақты.