Бейжің Олимпиадасының алтыны Алла Важенинаға бұйырды

2008-ші жылы Бейжіңде өткен Олимпиада ойындарының сегіз жеңімпазы алтын жүлделерінен айырылды.

Бұл туралы Халықаралық Олимпиада комитеті хабарлады.

Осылайша, 75 келіде күміс жүлдегер атанған қазақстандық ауыр атлет Алла Важенина Олимпиаданың алтын жүлдесіне ие болды. Себебі, Олимпиада чемпионы атанған қытайлық Цао Лэйдің қанынан допинг табылды.

Естеріңізге сала кетсек, Бейжіңде топ жарған Илья Ильиннің де допинг-сынамасынан тыйым салынған заттар табылған болатын.