Серена тұрмысқа шықпақ

Қыздар тенисінің патшайымына айналып кеткен Серена Уильямс тұрмыс құрмақ. Отырған қыз орнын табады демекші 35 ке келген Серена өз бақытын тапқан секілді. Серенаның 21 дүркін үлкен дулыға турнирін жеңгенін білетін шығарсыздар. Одан бөлек Ульямс Олимпиаданы 4 рет ұтты. Бірақ, күйеу жігіт те қара жаяу емес. Шыққан тегі армян Алексис Оганян "Реддит" дейтін әлеуметтік желінің құрылтайшысы. Одан бөлек жеке бизнесі де бар көрінеді. Махаббат жасқа қарамайды дегендей-ақ Оганян Серенадан 2 жас кіші боп шыққанын да айта кетейік.