Левит пен Ниязымбетов «алтын» сыйақыларын алды

Бүгін, 8-ші желтоқсан, ҚР Ұлттық Олимпиада комитеті мен Қазақстан бокс Федерацясының президенті Тимур Кулибаев Василий Левит пен Әділбек Ниязымбетовке олимпиадалық «алтын» сыйақысын қолына берді. Сыйақы сомасы 34 млн теңгені құрап отыр, деп жазады «ҚазАқпарат».

Естеріңізге сала кетейін, 26-шы тамыз күні Нұрсұлтан Назарбаев олимпиадашыларды қабылдаған кезінде екі боксшының еңбегін бағалап, олардың сыйақысын алтын медаль алған спортшылардың сыйақысымен теңестіруді міндеттеген болатын. Нәтижесінде, боксшылар 150 мың доллардың орнына 250 мың доллар сыйақы алды.