Әртістік жүзуден Қазақстан құрамасы Әлем кубогы кезеңінде екінші медалін жеңіп алды
Әртістік жүзуден Қазақстан құрамасы Париждегі (Франция) өткен Әлем кубогы кезеңінде үшінші орын алды, деп хабарлайды Prosports.kz тіошісі Olympic.kz сайтына сілтеме жасап.
Командалар арасындағы жарыста (еркін бағдарлама) қазақстандық спортшылар үшінші нәтиже көрсетті.
Қазақстан 253,6353 ұпай жинап, қола жүлдегер атанды. Бірінші орында Жапония – 323,3207. Канада құрамасы күміс медаль иеленді - 297,5853.
Айта кетейік, кеше аралас дуэттер арасындағы байқауда Наргиза Болатова мен Эдуард Ким бірінші орын алған болатын.
