Мадридтегі беделді турнирдегі Қазақстан дербиі драмамен аяқталды

Бүгін Мадридтегі (Испания) WTA 1000 санатындағы турнирде қазақстандық дерби өтті, деп хабарлайды Prosports.kz.

Қазақстанның үздік теннисшісі Елена Рыбакина (әлемдік рейтингте 4-орын) ширек финалда еліміздің екінші ракеткасы Юлия Путинцевамен (WTA рейтингінде 50-орын) кездесті.

Бірінші сетте Путинцева үздік көрінді, ол партияда екі гейм айырмашылығымен басым болды. Алайда Рыбакина екінші сетті оңайлықпен бергісі келмеді: теннисшілер тартысты ойын көрсетті. Нәтижесінде Елена тай-брейкте жеңісті жұлып әкетті. Шешуші партияда Путинцева 5-2 есебімен алға шыққан, бірақ Рыбакина керемет камбэк жасады.

Турнирдің жартылай финалына шығу үшін өткен кездесу 4-6, 7-6 (7-4), 7-5 есебімен Еленаның жігерлі жеңісімен аяқталды.

Теннисшілер кортта үш сағатқа жуық уақыт өткізді.

Айта кетейік, жеке текетіресте Путинцева 2:0 есебімен алда болатын. Елена Рыбакина карьерасында алғаш рет Қазақстанның екінші ракеткасын жеңе алды.